တစ်နေ့မှာမာဖီးယားဂိုဏ်းရဲ့ ပိုက်ဆံတွေသိမ်းဆည်းတဲ့ နေရာကို လူမဲသုံးယောက်က ဓါးပြလာတိုက်ခဲ့ပါတယ်။ ဒီနေရာမှာ အစီအစဉ်အတိုင်းမဖြစ်ပဲ ပစ်ကြခတ်ကြ ဖြစ်ကြပြီး မာဖီးယား ဂိုဏ်းသား တွေနဲ့ ရဲအရာရှိ နှစ်ဦး သေဆုံးခဲ့ကြပါတယ်။ ဒီလိုနဲ့ ဓါးပြ သုံးယောက်ကို မာဖီးယားတွေရော ရဲတွေရော အသည်းအသန်လိုက်ရှာကြပါတော့တယ်။ မာဖီးယားတွေဟာ သူတို့ကို ရက်ရက်စက်စက် သတ်ပစ်ဖို့လိုက်နေတာကို ရဲတွေသိသွားပြီးတဲ့နောက်မှာ သူတို့ထက်အရင် တွေ့နိုင်ဖို့ကြိုးစားကြရပါတော့တယ်။ ဒီဇာတ်ကားထဲမှာ ထိုခေတ်အခါက လူဖြူ လူမဲ ခွဲခြားမှုတွေ ရဲတွေရဲ့ အကျင့်ပျက်ခြစားမှုတွေ လူဆိုးဂိုဏ်းတွေရဲ့ အာဏာလွှမ်းမိုးပုံတွေကိုပြသထားပါတယ်။ အဆုံးသတ်မှာ မာဖီးယားတွေကို ဓါးပြတိုက်မိတဲ့ သူတို့သုံးယောက် ဘယ်လိုတွေ ဖြစ်သွားကြမယ်ဆိုတာ ဒီဇာတ်ကားမှာ ကြည့်ရှုသွားပေးကြပါဦး။