Horror ပရိသတ်တွေအတွက် 60ခုနှစ်ထွက်သရဲကားအဟောင်းလေးတစ်ကား တင်ဆက်ပေးလိုက်ပါတယ်။၁၇ရာစု ရှေး ရုရှားနိုင်ငံက တိုင်းပြည်တစ်ခုမှာ စေတန်ရဲ့နောက်လိုက်တွေဖြစ်တဲ့ မင်းသမီး အာဆာနဲ့ သူ့ရဲ့ ကြံရာပါ မင်းသား ယာဘူတစ်ချ် တို့ကို စုန်းအတတ်လေ့ကျင့်တယ်ဆိုကာ ကြိုးစင်တင်ပြီး သေဒဏ်ချ စီရင်ခဲ့ပါတယ်။ မသေခင်မှာ သူတို့မျက်နှာပေါ် စေတန်ရဲ့ မျက်နှာဖုံးကို သံမှိုစွဲရိုက်ပြီး အစီအရင်တွေနဲ့ မြှုပ်နှံခဲ့ပါတယ်။ စုန်းမ အာဆာဟာ သူ့ကိုသေဒဏ်ချတဲ့ အစ်ကိုဖြစ်သူမင်းသားဂရီယာဘီနဲ့ သူ့ရဲ့ သားစဥ်မြေးဆက်တွေကို မသေခင်မှာ ကျိန်စာတိုက်ခဲ့တာပါ။ နှစ် ၂၀၀ အကြာမှာ ဒေါက်တာ ကရူဗာယန်နဲ့ ဒေါက်တာ အန်ဒရေးတို့ ဆရာဝန်နှစ်ယောက်ဟာ စုန်းမအာဆာကိုမြှုပ်ထားတဲ့ ရှေးဘုရားကျောင်းထဲမှာ စပ်စုရင်းနဲ့ မတော်တဆ အစီအရင်ပျက်သွားခဲ့ပါတယ်။ မင်းသား ဗိုင်ဒါရဲ့ သမီးဖြစ်သူ မင်းသမီး ကတ်တီယာဟာ အာဆာနဲ့ တစ်ထေရာထဲ တူပြီး မကြာခင် ၂၁နှစ်ပြည့်တော့မှာပါ။စုန်းမအာဆာဟာ ကလဲ့စားချေဖို့ မင်းသမီးလေးရဲ့ အသက်ကို နှုတ်ယူဖို့ ကြိုးစားမှာဖြစ်ပါတယ်။