Your Host HD

Your Host

Horror HD 2025-10-09 4.813 89 Min

Horror-Thriller ပရိသတ်တွေအတွက်တော့ "Saw" နဲ့ "The Truman Show" တို့ရဲ့ Vibe ကိုပေါင်းစပ်ထားတဲ့ "Your Host" ဆိုတဲ့ ရုပ်ရှင်ကားသစ်ထွက်ရှိလာပါပြီ။ဇာတ်လမ်းကတော့ အနီတာရဲ့မွေးနေ့ကို ကျင်းပဖိုအတွက် ဂျိမ်းစ်ရဲ့အဖေပိုင်တဲ့ ဇိမ်ခံအပန်းဖြေအိမ်ကြီးဆီကို သွားကြတဲ့ သူငယ်ချင်းတစ်စုအကြောင်းပါပဲ။ပျော်ပွဲရွှင်ပွဲတွေ၊ နောက်ပြောင်ကျီစယ်မှုတွေနဲ့ ပြည့်နေတဲ့ ဒီခရီးစဉ်ဟာ အစပိုင်းမှာတော့ သာမန်အားလပ်ရက်ခရီးစဉ်တစ်ခုလိုပါပဲ။ဒါပေမဲ့ ညရောက်လာတဲ့အခါမှာတော့ အိမ်အပြင်ဘက်က ထူးဆန်းတဲ့အသံတွေကြားရပြီး ဘယ်ကမှန်းမသိတဲ့ကင်မရာတစ်ခုကို ထူးဆန်းစွာတွေ့ရှိခဲ့ရာကနေ သူတို့တွေဟာ တစ်စုံတစ်ခုကြောင့် သတိလစ်သွားပြီး ပြန်နိုးလာချိန်မှာတော့ သူစိမ်းတစ်ယောက်ရဲ့ ထိန်းချုပ်မှုအောက်မှာ ကြောက်မက်ဖွယ်ရာဂိမ်းတစ်ခုကို ကစားဖို့အတွက် ပြိုင်ပွဲဝင်တွေအဖြစ်ရွေးချယ်ခံလိုက်ရမှန်းသိလိုက်ရပါတော့တယ်။"The Host" လို့ သူ့ကိုယ်သူခေါ်တဲ့ မျက်နှာဖုံးစွပ်အစီအစဉ်တင်ဆက်သူတစ်ဦးက  သူတို့ရဲ့အသက်ကိုလောင်းကြေးထပ်ပြီး ရက်စက်တဲ့ဂိမ်းတွေကို ကစားခိုင်းပါတော့တယ်။ သူတို့တွေဟာ ဒီသေမင်းတမန်ဂိမ်းရှိုးထဲကို ဘာကြောင့် ရောက်လာခဲ့တာလဲ... သူတို့ရဲ့ နောက်ကွယ်က အစီအစဉ်တင်ဆက်သူဟာ ဘယ်သူလဲ... သူငယ်ချင်းအချင်းချင်း သစ္စာဖောက်မှ အသက်ရှင်နိုင်မယ့် ဒီဂိမ်းကနေ လွတ်မြောက်နိုင်မယ့်သူရောရှိပါ့မလားဆိုတာကိုတော့ ရင်တထိတ်ထိတ်နဲ့ ကြည့်ရှုရမှာဖြစ်ပါတယ်။