ဂျီဆော့ ( Hyun Bin)နဲ့ ယောင်းရှင်း (Im Soo Jung)က လက်ထပ်ထားတာ ၅နှစ်ရှိပြီဖြစ်တဲ့ လင်မယားဆိုပေမဲ့ ယောင်းရှင်းကတော့ အပြင်မှာ အချစ်သစ်တွေ့လို့နေပါပြီ။ အဲဒါကြောင့်ပဲ ဂျီဆော့နဲ့ လမ်းခွဲမှာဖြစ်ပြီး အိမ်ကနေ ထွက်သွားတော့မှာဖြစ်ကြောင်း ပြောပြခဲ့သလို ယောင်းရှင်း ထွက်သွားတဲ့နေ့ရောက်တော့လည်း ဂျီဆော့က တည်တည်ငြိမ်ငြိမ်နဲ့ ယောင်းရှင်းထွက်သွားဖို့အတွက် ကူညီပေးနေခဲ့တာပေါ့။ ဒါပေမဲ့လည်း ဆိုးရွားတဲ့ ရာသီဥတုကြောင့် နောက်ထပ် တစ်ရက် အိမ်မှာ အတူဆက်ရှိဖို့ ဖြစ်လာတဲ့ ဂျီဆော့နဲ့ ယောင်းရှင်း....ချစ်သူနှစ်ဦး မခွဲခွာခင် နောက်ဆုံးအတူတူရှိနေတဲ့ တစ်ရက်တာအချိန်အတွင်း ဂျီဆော့နဲ့ ယောင်းရှင်းကြားက ခံစားချက် အတက်အကျကို လှလှပပ ရိုက်ကူးပုံဖော်ထားတဲ့ ဇာတ်လမ်းတစ်ပုဒ်ဖြစ်တာမို့ တင်ဆက်ပေးလိုက်ရပါတယ်။