Healing Towers HD

Healing Towers

Thriller HD 2025-04-22 4.5 86 Min

စုံထောက်ဂျိုးလို့ခေါ်တဲ့ သမီးကိုအရမ်းချစ်တဲ့ ဖခင်ဖြစ်သူတစ်ယောက်ဟာ သူ့သမီးပျောက်သွားတဲ့အချိန်ကတည်းက နှစ်ပေါင်းများစွာ မရပ်မနားဘဲ သမီးဖြစ်သူကိုစိတ်စွဲပြီး လိုက်လံရှာဖွေနေဆဲပါ။ ဖြစ်ချင်တော့ သူနေတဲ့မြို့မှာ အဲဒီလိုလူပျောက်မှုတွေဟာလည်း နှစ်နဲ့ချီတဲ့မှတ်တမ်းတွေကို ပြန်လိုက်ကြည့်ရင် လူပျောက်မှတ်တမ်းတွေ ပုံမှန်ရှိနေခဲ့တာပါ။ တစ်နေ့မှာတော့ ဂျူလီယာဆိုတဲ့အမျိုးသမီးဟာ သူ့ရဲ့သူငယ်ချင်းဖြစ်သူပျောက်သွားလို့ စုံထောက်ဂျိုးဆီကိုရောက်လာတဲ့အချိန်မှာ နှစ်ယောက်အချိတ်အဆက်မိသွားပြီး နောက်ကွယ်ကကိစ္စတွေ စပြီးစုံစမ်းလာပါတယ်။ ဖြစ်ချင်တော့ ဂျူလီယာရဲ့သူငယ်ချင်းဖြစ်သူ ဒါလင်းဟာလည်း မပျောက်ခင်ရက်ပိုင်းအလိုမှာ ဒေါက်တာမာ့ခ်ဟီလာလို့ခေါ်တဲ့ စိတ်ကုထုံးပညာရှင်တစ်ယောက်ရဲ့ ဗီဒီယိုကိုကြည့်ခဲ့နေပါတယ်။ တိုက်ဆိုင်စွာနဲ့ဘဲ စုံထောက်ဂျိုးရဲ့သမီးဖြစ်သူကလည်း မပျောက်ခင်တုန်းက ဒေါက်တာမာ့ခ်ရဲ့ စာအုပ်ကို အရမ်းကြိုက်ပြီး ဒေါက်တာမာ့ခ်အကြောင်း ပြောပြောလေ့ရှိနေခဲ့တာပါ။ ဒီလိုနဲ့ သဲလွန်စတွေတစ်ခုပြီးတစ်ခုစုပြီးနောက်ပိုင်းမှာ ဒေါက်တာမာ့ခ်ဟီလာရဲ့ ကုသရေးစင်တာလို့အမည်ရတဲ့ ဆေးကုသရေးအဆောက်အအုံတစ်ခုနောက်လိုက်ဖို့ ဖြစ်လာပါတော့တယ်။