အဖေမရှိ အမေမရှိတဲ့ဘဝကနေ ကြီးပြင်းလာခဲ့ရတဲ့ ကျွန်တော်အာဂျွန်။ ကျွန်တော့်နေ့စဉ်ဘဝကတော့ ကြုံရာအိမ်ရှေ့ဖိနပ်ချွတ်ကနေ နိုးထလာခြင်းက စခဲ့တာပေါ့ အမေမရှိတော့ဘူးဆိုပေမဲ့ အမေက နာမည်တော့ ပေးခဲ့ရှာပါတယ် အာဂျွန်ချက်ကရာဗာသီတဲ့ မသိရင် ဘုရင်နာမည်လိုလိုပေါ့ဗျာ ဒါပေမဲ့ စားဖို့တောင် အနိုင်နိုင်ပေါ့ တစ်နေ့ ကျွန်တော်နိုးလာတော့ မရှိတဲ့အမေကို စော်စော်ကားကားပြောနေတဲ့ ဦးလေးတစ်ယောက်ကို ထိုးလိုက်မိတယ် အဲဒီဦးလေးက ပြန်ရိုက်တော့ လူကြီးတစ်ယောက်က ဝင်ဆွဲပေးရှာတယ် အဲဒီလူကြီးကြောင့် ကျွန်တော့်ဘဝတစ်ခုလုံးက လုံးဝပြောင်းလဲသွားခဲ့တာပေါ့ဗျာ ဒီလူကြီးရဲ့ဘဝက စိတ်ဝင်စားဖို့တော့အကောင်းသားဗျ ကျွန်တော်တစ်ခါမှမကြားဖူးတဲ့ ကာဘက်ဒီကစားနည်းရဲ့ ဆရာတဲ့လေ သူ့မှာရှိသမျှ အင်အား ခွန်အား ရည်မှန်းချက် ဒါတွေအကုန် ဒီကစားနည်းထဲနှစ်မြှုပ်ထားတဲ့ နည်းပြဆရာတစ်ယောက်။ ကျွန်တော်က ပိုက်ဆံရှာချင်ပေမဲ့ သူက ကစားနည်းသင်ခိုင်းတယ်ဗျ ကျွန်တော်ကလည်း တစ်ခါကြည့်ရုံနဲ့ တန်းမှတ်မိတဲ့ကောင်ဆိုတော့လည်း ကျွန်တော်တို့၂ယောက်ရဲ့ ဘဝလမ်းကြောင်းတွေ ဘယ်ထိရောက်သွားမလဲဆိုတာကို အနိမ့်အမြင့် အတက်အကျတွေနဲ့အတူ လိုက်ပါကြည့်ရှုပေးကြပါဦး