ဒီဇာတ်လမ်းက ၂၀၀၅ ခုနှစ်၊ တောင်ဆူဒန်ခွဲထွက်မယ့်အချိန်မတိုင်ခင် ခါတူမ်မြိုမှာ စတင်ခဲ့ပါတယ်။ အဓိကဇာတ်ဆောင်ဖြစ်တဲ့ မိုနာ က မြောက်ပိုင်းက ချမ်းသာတဲ့ မွတ်စ်လင်မ်အဆိုတော်တစ်ယောက်ပါ။တစ်နေ့မှာ မိုနာကားမောင်းရင်း တောင်ပိုင်းက ကလေးငယ်တစ်ယောက်ကို မတော်တဆ တိုက်မိသွားခဲ့တယ်။ မိုနာက ကြောက်လန့်ပြီး ထွက်ပြေးတဲ့အချိန် ကလေးအဖေ ဆန်တီနိုက မိုနာနောက် လိုက်လာပြီး အထင်လွဲမှုနဲ့ မိုနာရဲ့ခင်ပွန်း အက်ကရမ်က သူ့ကို သေနတ်နဲ့ ပစ်သတ်လိုက်ပါတယ်။အပြစ်ရှိတဲ့ လိပ်ပြာမလုံစိတ်ကို မခံနိုင်တဲ့ မိုနာက သေဆုံးသွားသူရဲ့မိသားစုကို ရှာဖွေပြီး၊ မုဆိုးမဖြစ်သွားတဲ့ ဂျူလီယာကို သူ့အိမ်မှာ အစေခံအဖြစ်နဲ့ အလုပ်ခန့်လိုက်ပါတယ်။ ဂျူလီယာကတော့ ဒီအမှုနဲ့ မိုနာဆီကို ရောက်လာမှန်း လုံးဝမသိခဲ့ဘဲ မိုနာနဲ့ ဂျူလီယာတိုရဲ့ ဆက်ဆံရေးက ချမ်းသာတာနဲ့ ဆင်းရဲတာ၊ မြောက်ပိုင်းနဲ့ တောင်ပိုင်း ဆိုတဲ့ ကွဲပြားမှုတွေကို ကျော်လွှားရင်း မိတ်ဆွေဖြစ်လာတဲ့အခါ ဘယ်လိုတွေဆက်ဖြစ်မလဲဆိုတာကို ဆက်လက်ကြည့်ရှုလိုရပါတယ်။ဒီဇာတ်ကားက လူမျိုးရေးခွဲခြားမှု၊ ဘာသာရေးတင်းမာမှုနဲ့ နိုင်ငံရေးကွဲပြားမှုတွေကြောင့် ဆူဒန်နိုင်ငံ နှစ်ခြမ်းကွဲသွားရတဲ့ နောက်ခံသမိုင်းကို ထင်ဟပ်အောင် ရိုက်ကူးထားတာပဲဖြစ်ပါတယ်။