The Jester 2 FHD

The Jester 2

Horror Thriller FHD 2025-09-15 4.667 87 Min

ဟောလိုဝင်း ကာလ နီးလာသလို Horror ဇာတ်ကားတွေလည်း အပြိုင်အဆိုင် ထွက်ရှိချိန်ပါပဲ။ဒီဇာတ်ကားဟာ ၂၀၂၃ တုန်းက ထွက်ရှိထားပြီးသားဖြစ်တဲ့ The Jester ရဲ့ နောက်ဆက်တွဲဇာတ်ကား ဖြစ်ပြီးတော့ အသံမထွက်ဘဲ ဂျိုကာအဖြစ် သရုပ်ဆောင်ရတဲ့ သရုပ်ဆောင်မိုက်ကယ်ရှက်ဖီးအနေနဲ့ ပထမကားထက် ပိုပြီးကောင်းမွန်တဲ့ သရုပ်ဆောင်ဟန်ပန်တွေကို ဒီဇာတ်ကားမှာ တွေ့ရပါတယ်။ အရင်ဇာတ်ကားတုန်းက လူတွေကို လိုက်သတ်တာ ဘာကြောင့်ဆိုတဲ့ ဇစ်မြစ်ကို ဒီဇာတ်ကားမှာ ထည့်သွင်းရှင်းပြခဲ့တာကြောင့် ဂျိုကာလူသတ်ကောင်ရဲ့Mystery ဖြစ်မှုကို လျော့ကျသွားစေတယ်လို့ ပရိသတ်တချို့က ဝေဖန်ကြပေမယ့်အရင်ဇာတ်ကားထက်ကို ဘတ်ဂျက်ပိုမိုသုံးစွဲထားပြီးတော့ ဇာတ်လမ်းထုတ်လုပ်မှုပိုင်းနဲ့ သရုပ်ဆောင်ရွေးချယ်မှုတွေမှာလည်း ပိုမိုအားစိုက်ထားတာကို တွေ့ရပါတယ်။ ဇာတ်လမ်းအကျဉ်းပြောရရင် လူမှုဆက်ဆံရေးပိုင်းမှာရော မိသားစုနဲ့ပါ သဟဇာတမဖြစ်ဘဲအပယ်ခံ ဆယ်ကျော်သက် ကောင်မလေး တစ်ယောက်ဖြစ်တဲ့ မက်စ်ဟာ ဟောလိုဝင်းညမှာဂျိုကာနဲ့ မမျှော်လင့်ဘဲ ကြုံဆုံခဲ့ပါတယ်။ ဂျိုကာလူသတ်ကောင်ဟာ သူဝိဉာဉ်နှုတ်မယ့် သားကောင်ကို မသတ်ခင် မျက်လှည့်တစ်ခု ပြသရပါတယ်။ ဒါပေမယ့် အဲဒီညမှာတော့ မက်စ်က ဂျိုကာကို ဖဲချပ်နဲ့ မျက်လှည့်တစ်ခု ပြသခဲ့မိပြီး ဂျိုကာရဲ့ အစီအစဉ်မှာ သူ့ရဲ့ လက်ပါးစေအဖြစ် ခိုင်းဖို့ ခေါ်သွားခံရပါတော့တယ်။  မက်စ်အနေနဲ့ ဂျိုကာခိုင်းစေသမျှကို လိုက်လုပ်ရင်းနဲ့ ဘယ်လိုမျိုး သူ့လက်က လွတ်အောင် ပြေးမလဲဆိုတာကတော့ ….။