အက်ဘီ ဆိုတဲ့ ကောင်မလေးတစ်ယောက်ဟာ အချစ်ရေးအကြံပေးတဲ့ နာမည်ကြီး Podcast အစီအစဉ်တစ်ခုမှာ လက်ထောက်အဖြစ် အလုပ်,လုပ်နေပါတယ်။ သူ့အလုပ်က လက်ထောက်ဆိုပေမဲ့အားလုံးကို သိမ်းကြုံးလုပ်ရတဲ့အပြင် Podcast အတွက် ဇာတ်ညွှန်းတွေ ၊ အိုင်ဒီယာတွေကအစ စဉ်းစားပေးရပါတယ်။ ဒါပေမဲ့ သူ့ရဲ့ ဘော့စ် ဆရီနာကတော့ နာမည်ကောင်းတွေအားလုံးကို တစ်ယောက်တည်း လက်ဝါးကြီးအုပ်ထားပြီး အက်ဘီ့ကို နေရာမပေးပါဘူး။ အဲ့လိုနဲ့ တစ်နေ့တော့ သူတို့ရဲ့ Podcast ကိုအင်တာဗျူးဖို့အတွက် ဂျက်ခ်ဝှစ်မန်း ဆိုတဲ့ ဂျာနယ်လစ်တစ်ယောက် နယူးယောက်က ရောက်လာပါတော့တယ်။ အက်ဘီတစ်ယောက်ကတော့ သူ အကြိုက်ဆုံး ဂျာနယ်လစ်ဟာ သူတို့ရဲ့ Podcast အစီအစဉ်ကို အင်တာဗျူးဖို့ ရောက်လာတယ်ဆိုတာ သိလိုက်ရတဲ့နောက်မှာ အချစ်နဲ့ အလုပ်ကြားလွန်ဆွဲပါတော့တယ်။ ရိုးရိုးရှင်းရှင်း ပေါ့ပေါ့ပါးပါးရှိတဲ့ အချစ်ကားလေးတစ်ကားပါ။