The Treatment HD

The Treatment

Crime Thriller Mystery HD 2014-01-29 6.9 131 Min

ဒီဇာတ်ကားကတော့ အမှောင်မိုက်ဆုံး စုံထောက်ဇာတ်လမ်းတွေထဲက တစ်ပုဒ်ဖြစ်ပြီး Mo Hayder ရဲ့ နာမည်ကြီးဝတ္ထုကို ပြန်လည်အသက်သွင်းထားတာပါ။ အတိတ်က ဇာတ်လမ်းဆိုးတစ်ခုကို ရင်မှာပိုက်ပြီး အမှုလိုက်နေတဲ့ စုံထောက်နစ်ခ်အဖြစ် မင်းသား Geert Van Rampelberg က အဓိကပါဝင်သရုပ်ဆောင်ထားပါတယ်။ဇာတ်လမ်းအစမှာ မိသားစုတစ်စုရဲ့အိမ်ထဲကို လူတစ်ယောက်ဝင်ရောက်ပြီး မိဘနှစ်ပါးကို ရက်ရက်စက်စက် ချုပ်နှောင်ညှဉ်းပန်းကာ သူတို့ရဲ့ ကလေးငယ်လေးကို ဖမ်းခေါ်သွားတဲ့ အမှုတစ်ခုဖြစ်ပွားခဲ့ပြီး အဲဒီအမှုကို စုံထောက်နစ်ခ်က တာဝန်ယူလိုက်ရပါတယ်။ ဒါပေမဲ့ ဒီအမှုဟာ သာမန်ကလေးပျောက်မှုတစ်ခု မဟုတ်ပါဘူး။ စုံထောက်နစ်ခ်တစ်ယောက် စုံစမ်းထောက်လှမ်းရင်းနဲ့ ဒီအမှုဟာ နှစ်ပေါင်းများစွာ အစဖော်လို့မရဖြစ်နေခဲ့တဲ့ ကလေးသူငယ်တွေကို လိင်ပိုင်းဆိုင်ရာ အသုံးချပြီး ရိုက်ကူးထားတဲ့ အမှောင်လောကက ဗီဒီယိုတွေနဲ့ ဆက်စပ်နေတာကို သွားတွေ့ရပါတော့တယ်။ ဒီအမှုရဲ့နောက်ကွယ်မှာ သာမန်လူတွေထက် အများကြီးပိုပြီး ဉာဏ်ကောင်းလွန်းတဲ့ စိတ်ပိုင်းဆိုင်ရာ ပုံမှန်မဟုတ်တဲ့ တရားခံတစ်ယောက်ရှိနေမှန်း သိလိုက်ရတဲ့အခါ... အဆိုးဆုံးကတော့ ဒီအမှုဟာ လွန်ခဲ့တဲ့နှစ်ပေါင်းများစွာက နစ်ခ်ရဲ့ညီလေး ပျောက်ဆုံးသွားခဲ့တဲ့အမှုနဲ့ ထပ်တူကျနေတာပါပဲ။ အတိတ်က သူ့ရဲ့အမှားကြောင့် ညီလေးတစ်ယောက်လုံး ဘဝပျက်ခဲ့ရတယ်လို့ ခံစားနေရတဲ့ နစ်ခ်တစ်ယောက် သူ့ညီလေးလို နောက်ထပ်ကလေးတွေ ထပ်မဖြစ်အောင် တရားခံကိုလိုက်ရင်း သူကိုယ်တိုင်ပါ ထောင်ချောက်ထဲကို တဖြည်းဖြည်းရောက်သွားတဲ့အခါ...လူ့အဖွဲ့အစည်းရဲ့အမှောင်မိုက်ဆုံးအပိုင်းတွေကို Crime Thriller Vibe အပြည့်နဲ့ ကြည့်ရှုခံစားရမှာဖြစ်ပါတယ်။