ဇာတ်ကားရဲ့ အဓိကဇာတ်ဆောင်တွေဖြစ်တဲ့ ရုပ်ရှင်ကလပ်အဖွဲ့ဝင် သူငယ်ချင်း ၃ယောက်ဟာကျောင်းပြီးခါနီးအချိန် ကျေးလက်ဒေသကို အပျော်ခရီး ထွက်လာကြပြီး လမ်းခရီးမှာ ပိုင်ရှင်မဲ့ ဖုန်းတစ်လုံးကို ကောက်ရပါတော့တယ်။ အဲဒီဖုန်းကနေတစ်ဆင့် သူစိမ်းမိန်းကလေးတစ်ဦးနဲ့ တွေ့ဆုံခဲ့ပြီး ကံမကောင်း အကြောင်းမလှစွာနဲ့ပဲ အိမ်တစ်အိမ်ထဲကို ခွင့်ပြုချက်မရှိ ဝင်ရောက်မိတဲ့အခါ....အဲဒီအချိန်ကစပြီး သူတို့ရဲ့အပျော်ခရီးဟာ သာမန် ခရီးစဉ်တစ်ခု မဟုတ်တော့ဘဲ ကြောက်မက်ဖွယ်ကောင်းတဲ့ အသက်လုတိုက်ပွဲ အဖြစ် ပြောင်းလဲသွားပါတော့တယ်။ ပရိသတ်ကြီးက ပုံမှန် ထိတ်လန့်စရာကောင်းတဲ့ ရုပ်ရှင်တွေနဲ့ မတူဘဲ ရယ်စရာကောင်းပြီး အကြမ်းဖက်မှုတွေပါတဲ့ ဂျပန် Horror Comedy ရုပ်ရှင်မျိုးကို ကြည့်ချင်တယ်ဆိုရင်တော့ ဒီကားလေးကို ညွှန်းဆိုပါရစေ။