ဆောင်းရာသီရဲ့ နေ့တစ်နေ့မှာ ဟန်ဂယောင်းယူ (Lee Jin Wook) ဟာ အတူနေနေတဲ့ ချစ်သူမိန်းကလေးဆီကနေ နှင်ထုတ်ခံခဲ့ရပါတယ်။ ဘာအကြောင်းအရင်းမှ မသိရဘဲ နှင်ထုတ်ခံရပြီးရုတ်တရက်ကြီး အဆက်အသွယ်ဖြတ်သွားတဲ့ ချစ်သူမိန်းကလေးကြောင့် ခြေဦးတည့်ရာလျှောက်သွားရင်း ညဘက်မှာတော့ အငှားယာဉ်မောင်းအဖြစ် အချိန်ပိုင်းအလုပ် လုပ်နေခဲ့ပါတယ်။ဒီလိုနဲ့ တစ်ရက်မှာတော့ ရည်းစားဟောင်းဖြစ်သူ ယူဂျောင်း (Go Hyun Jung) နဲ့ ပြန်လည်တွေ့ဆုံဖြစ်ခဲ့ပါတယ်။ နှစ်ယောက်သားပြန်ဆုံတွေ့ပြီးတဲ့နောက် ဘယ်လို အဖြစ်အပျက်တွေ ဆက်ဖြစ်သွားမလဲဆိုတာကိုတော့ ဇာတ်လမ်းလေးမှာ စိတ်ဝင်စားဖွယ် ကြည့်ရှုသွားနိုင်ပါပြီ။ ချစ်ခြင်းမေတ္တာနဲ့ဘဝအကြောင်း ထင်ဟပ်နေတဲ့ ဇာတ်လမ်းကောင်းတစ်ခု ဖြစ်တာမို့ လက်လွတ်မခံဘဲ ကြည့်ရှုခံစားကြည့်ဖို့ ညွှန်းပေးလိုက်ပါတယ်။