ဒီတစ်ခေါက်တင်ဆက်ပေးမဲ့ ဇာတ်ကားလေးကတော့ ဂျပန်ရိုးရာ ဗုံတီးအတတ်ပညာတစ်မျိုးဖြစ်တဲ့ Wadaikoကို အခြေတည်ကာ ရိုက်ကူးထားတဲ့ လူငယ်ဇာတ်ကားကောင်းလေးတစ်ပုဒ်ပဲ ဖြစ်ပါတယ်။ မိသားစု စီးပွားပျက်လို့ ရုတ်တရက်အထည်ကြီးပျက်ဘဝ ဖြစ်သွားရတဲ့ တာမာကိ... ကားမတော်တဆမှုကြောင့် စကားပြန်မပြောနိုင်သေးတဲ့ မာရီယာ…. Wadaikoနာမည်ကြီးအဖွဲ့ တည်ထောင်သူရဲ့ သမီးဖြစ်တဲ့ ကိုတိုဟို… ဆိုတဲ့ ကောင်မလေးသုံးယောက် ဦးဆောင်တဲ့ အမျိုးသမီး Wadaiko အသင်းရဲ့ အပျော်တမ်းဘဝမှ လက်ရွေးစင်အထိရောက်အောင် သူငယ်ချင်းသုံးယောက် ရန်ဖြစ်လိုက် ပြန်တည့်လိုက်နဲ့ ကြိုးစားရင် အရာထင်နိုင်တယ်ဆိုတဲ့ အနိမ့်အမြင့် ရသမျိုးစုံကို ခံစားရင်း ရိုးရာတူရိယာ တီးခတ်ဖျော်ဖြေမှုကိုပါ စိတ်ဝင်စားဖွယ် နားထောင်နိုင်မဲ့ ဇာတ်ကားကောင်းလေးဖြစ်လို့ ကြည့်ရှုအားပေးကြပါဦး။