Double Indemnity HD

Double Indemnity

Crime Thriller HD 1944-07-06 8.1 107 Min

ဇာတ်လမ်းကို မူလက စာရေးဆရာ James M. Cain က ၁၉၃၀ ပြည့်နှစ်တွေမှာ ရေးသားခဲ့ပြီး၊ Hollywood မှာ ရုပ်ရှင်ရိုက်ဖို့ကြိုးစားခဲ့ပေမယ့် ရာဇဝတ်မှုကိစ္စတွေကိုပရိသတ်လက်ခံလာမှာစိုးတဲ့အတွက် အတိုက်အခံပြုခံခဲ့ရပါတယ်။နောက်ပိုင်း ၁၉၄၄ ခုနှစ်မှာတော့ ဒါရိုက်တာ Billy Wilder က စွန့်စားပြီးရိုက်ကူးဖို့ စဉ်းစားခဲ့ပါတယ်။ ဇာတ်ညွှန်းရေးဆရာ Raymond Chandler ကို ငှားရမ်းခဲ့ပြီး ဇာတ်ညွှန်းကို သူနဲ့အတူတူပြင်ဆင်ခဲ့ကြပါတယ်။ ဒီလိုပြင်ဆင်ရာမှာဇာတ်လမ်းရဲ့အဆုံးသတ်ကိုပိုမိုရိုးရှင်းအောင်လုပ်ခဲ့ပြီး၊ Neff နဲ့ သူ့ရဲ့အာမခံမန်နေဂျာ Keyes (Edward G. Robinson)တို့ရဲ့ဆက်ဆံရေးကိုပိုမိုနက်ရှိင်းအောင် ပုံဖော်ခဲ့ပါတယ်။ ဇာတ်လမ်းတစ်ခုလုံးကို Neff ရဲ့ ကိုယ်တိုင်ပြောပြပုံစံ (flashback) နဲ့ တင်ဆက်ထားပါတယ်။Neff နဲ့ Phyllis တို့ ဘာကြောင့်ဒီလိုလုပ်ခဲ့ကြတာလဲ။ ပိုက်ဆံကြောင့်လား၊ တစ်ဦးနဲ့တစ်ဦးကိုချစ်မိလို့လား။ Ebert ကတော့သူတို့ဟာ လောဘကြောင့်မဟုတ်သလို၊တကယ့်အချစ်ကြောင့်လည်း မဟုတ်ဘူးလိုဆိုပါတယ်။ ရာဇဝတ်မှုကျူးလွန်ရာမှာ နှစ်ယောက်အတူတူ ရှိနေခြင်းရဲ့ စိတ်လှုပ်ရှားမှုကြောင့်သာ ဖြစ်တယ်လို့သုံးသပ်ထားပါတယ်။ရုပ်ရှင်မှာ အချစ်နဲ့ပိုက်ဆံဟာ အကြောင်းပြချက်သက်သက်သာဖြစ်ပြီး၊ ပိုပြီးစစ်မှန်တဲ့စိတ်ခံစားမှုကတော့ Neff ရဲ့ အဖေလိုဖြစ်တဲ့ Keyes ကိုတွေ့ရှိမှာကိုကြောက်ရွံတာဖြစ်ပါတယ်။ရုပ်ရှင်ရဲ့အဆုံးသတ်မှာဒဏ်ရာရနေတဲ့ Neff ဟာ သူ့ရဲ့အမှားတွေအတွက် Keyes ကိုချစ်ကြောင်းဝန်ခံခဲ့ပါတယ်။ ဒါက ရုပ်ရှင်ရဲ့ဇာတ်သိမ်းကိုပိုမိုအားကောင်းစေခဲ့တယ်လိုဆိုပါတယ်။“Double Indemnity” ဟာ “Film Noir” (အမည်းရောင်ရုပ်ရှင်) ရဲ့ရှေ့ပြေးတစ်ကားဖြစ်ပြီး၊ သစ္စာဖောက်မှု၊ လျှိဝှက်ချက်တွေနဲ့အတူလူ့သဘာဝရဲ့မကောင်းတဲ့စိတ်ဓာတ်တွေကိုပေါ်လွင်အောင်တင်ဆက်နိုင်ခဲ့တယ်လို Roger Ebert က အဆုံးသတ်သုံးသပ်ထားပါတယ်။