Aashiqui 2 (2013)လို စွဲထင်ကျန်စေခဲ့မဲ့ သီချင်းတွေရယ် ခမ်းနားတဲ့ စတိတ်တင်ဆက်မှုတွေရယ်ကိုဗားရှင်းထပ်မြှင့်ထားတဲ့ လွမ်းဆွတ်ကြည်နူးစရာ အချစ်ဇာတ်လမ်းတစ်ပုဒ်ကို ထပ်မံဖန်တီးပုံဖော်ပေးထားတဲ့ဒါရိုက်တာ မိုဟစ်ဆူရီရဲ့လက်ရာ။အဓိကဇာတ်ဆောင်နေရာတွေကနေ ပွဲဦးထွက်ရုံတင်ကားအနေနဲ့ မင်းသမီး အန်နီးသ်ပက်ဒါ၊ မင်းသား အာဟန်းပန်ဒေးတို့ရဲ့ခံစားသက်ဝင်ထားမှုကလည်း ပရိသတ်လက်ခံမှု ရာနှုန်းပြည့်ရရှိခဲ့တဲ့ရုပ်ရှင်။"စိုင်ယာရာ"...။ ရွေ့လျားသွားလာနေတဲ့ ခရီးသွားကြယ်ကလေးတစ်ပွင့်ပေါ့။ကြယ်ကလေးက အဝေးဆီ ထွက်သွားနေတာလား၊ အနားကိုပဲ ချဉ်းကပ်လာနေတာလား။ပိုင်ဆိုင်ရပြီထင်ပြီး ထာ၀ရဆုပ်ကိုင်ထားလို့မရတာကလည်း အချစ်လို့ခေါ်ရမလားပဲ။အယ်လ်ဇိုင်းမားရောဂါကြောင့် အတိတ်နဲ့ပစ္စုပ္ပန်ဖြစ်ရပ်တွေကြား ခွဲခြားနိုင်စွမ်းမရှိတော့သူ ကဗျာဆရာမလေး ဗာနီ။ဗာနီ အလဲအလဲအပြိုပြိုဖြစ်နေချိန် အနားကိုရောက်လာခဲ့တာ အဆိုတော်ပေါက်စလေး ခရစ်ရှ်။ဗာနီ့ဘ၀ထဲ ခရစ်ရှ်ရောက်လာပြီးနောက်ပိုင်း လောကကြီးက အရောင်အသွေးစုံလာခဲ့တာပေါ့။ဒါပေမဲ့လည်း ဗာနီရဲ့ရောဂါပြင်းထန်လာတာကြောင့် ခရစ်ရှ်ရဲ့အောင်မြင်မှုလမ်းကြောင်းကို ထိခိုက်လာချိန်မှာတော့"စိုင်ယာရာ"ဆိုတဲ့ သီချင်းတစ်ပုဒ်နဲ့ ခရစ်ရှ်ကိုချန်ထားခဲ့ချိန် အဲဒီသီချင်းနဲ့ပဲ ချစ်သူဗာနီကို လိုက