လောကမှာဖြတ်ရအခက်ဆုံးက ၅၂၈ မေတ္တာ မိသားစုသံယောဇဉ်ဖြစ်ပြီး အသိမ်မွေ့ဆုံးနဲ့ ရှင်းရအခက်ဆုံးပြဿနာကလည်း မိသားစုပြဿနာတွေပဲ ဖြစ်မယ်ထင်ပါတယ်။ ဒီဇာတ်လမ်းကလည်း မိသားစု၀င်တွေကြားက ပြဿနာတွေနဲ့ ချစ်စရာအလေ့အထလေးတွေကို အချစ်နဲ့ဒရာမာနှောပြီး ရိုက်ကူးတင်ဆက်ထားတာ ဖြစ်ပါတယ်။ တချို့ရွာတွေမှာဖြစ်လေ့ရှိတဲ့အတိုင်း ရာဂျာတို့ရွာလေးမှာလည်း လူငယ်တွေနိုင်ငံခြားထွက်တဲ့ကိစ္စက ရောဂါတစ်ခုလိုစွဲကပ်လာပါတယ်။ လူငယ်တွေတင်မက မိဘတွေကပါ သားသမီးတွေကို နိုင်ငံခြားပို့ဖို့ အရိုးစွဲနေကြတဲ့အထိပါပဲ။ ရာဂျာ့ကိုလည်း သူ့မိဘတွေက နိုင်ငံခြားထွက်ခိုင်းဖို့ ရည်ရွယ်ထားပေမဲ့ ရာဂျာကတော့ လုံး၀မသွားချင်သူပါ။ အထက်တန်းကျောင်းသားဘ၀မှာပဲ ရာဂျာတစ်ယောက် သူတို့ကျောင်းကို အသစ်ရောက်လာတဲ့ ကောင်မလေးကို မြင်မြင်ချင်း စိတ်၀င်စားသွားပါတော့တယ်။ ဒီလိုနဲ့ ရာဂျာကျောင်းပြီးတဲ့အခါ မိဘတွေဆန္ဒအတိုင်း နိုင်ငံခြားပဲသွားဖြစ်မလား၊ သူ့ဘ၀အရေး၊ သူတို့မိသားစုအရေးနဲ့ သူ့အချစ်ရေးက ဘာတွေဆက်ဖြစ်လာမလဲဆိုတာ... ပျော်စရာရယ်စရာတွေနဲ့အတူ ဆွေးစရာလေးတွေပါ ရောနှောပြီး ရသစုံလင်ကြည့်ရှုခံစားကြရမှာ ဖြစ်ပါတယ်။