ဒီတစ်ကြိမ်မှာတော့ ကြမ်းကြမ်းရမ်းရမ်းဇာတ်ကားတွေကိုမှ နှစ်ခြိုက်သူတွေအတွက် A line of Fire ဆိုတဲ့ ဇာတ်ကားကို တင်ဆက်ပေးချင်ပါတယ်။‘A Line of Fire’ ဟာ မိသားစုကို ဦးစားပေးဖိုအတွက် အန္တရာယ်များတဲ့ကမ္ဘာကနေ ထွက်ခွာခဲ့တဲ့ FBI အေးဂျင့်ဟောင်းကက်ရှ်ရဲ့ ဇာတ်လမ်းဖြစ်ပါတယ်။ သူဟာ ဇနီးသည်ဆုံးပါးသွားပြီးနောက်သမီးနှစ်ယောက်ကို အချိန်အပြည့်ပေးနိုင်ဖို အလုပ်ကနေ အနားယူခဲ့တာပါ။ဒါပေမဲ့ သူ့ရဲ့ လုပ်ဖော်ကိုင်ဖက်ဟောင်းရဲ့ တူမဖြစ်သူက အကူအညီတောင်းခံလာတဲ့အခါ ကက်ရှ်ဟာ သူ့ရဲ့ ငြိမ်းချမ်းတဲ့ဘဝကနေ လုံခြုံရေးပြဿနာတွေ၊ အကျင့်ပျက်ခြစားမှုတွေနဲ့ ပြည့်နေတဲ့အန္တရာယ်ရှိတဲ့ ကမ္ဘာကြီးထဲကို ပြန်ရောက်သွားပါတယ်။ အက်ရှင်ခန်းတွေနဲ့ ထင်မှတ်မထားတဲ့ ဇာတ်ကားအလှည့်အပြောင်းတွေ ပါဝင်တာကြောင့် အက်ရှင်ကြိုက်တဲ့သူတွေအတွက်ကြည့်လိုကောင်းတဲ့ဇာတ်ကားတစ်ကားဖြစ်မှာသေချာပါတယ်။