အသက်ငါးသွယ်လို့အမည်တွင်တဲ့မြစ်မှာ လမမြင်ရတဲ့ညဘက်ရောက်တိုင်း ထူးဆန်းတဲ့လူသေမှုတွေဖြစ်ကြတယ်။ဒါက ပညာမဲ့အယူသီးကြတဲ့ မြို့ခံသားတွေကရေမိစ္ဆာလာအသက်နှုတ်တယ်လို့ထင်ကြပြီး အသက်ငါးသွယ်ဆိုတဲ့အတိုင်းအသက်ငါးချောင်း လူငါးယောက်ပြည့်အောင် သတ်နေတာလို့ခံယူကြတာပေါ့။ဒါကြောင့် နတ်ဆရာတွေပင့်ဖိတ်ပြီး ရေမိစ္ဆာထံယစ်ပူဇော်ဆုတောင်းကြပေမဲ့လူသေမှုတွေဆက်ဖြစ်နေသေးပြီးတော့လူလေးယောက်သေဆုံးသွားပြီးကြတဲ့အခါမြို့ခံသားတွေက ငါးယောက်မြောက်လူ ဘယ်သူဖြစ်မလဲဆိုတာရင်တထိတ်ထိတ်နဲ့ဖြစ်နေကြတယ်။ဒီလိုနဲ့ချိုးရှန်းရဲ့အစ်မဖြစ်သူက ညဘက်ငါးဖမ်းထွက်တဲ့အချိန်အဲ့မြစ်လယ်ခေါင်ရောက်တော့ ရုတ်တရက်လမမြင်ရတော့တဲ့အချိန် တစ်ခုခုမြင်လိုက်ရတဲ့အလားအဲ့နောက်ပိုင်းကနေစပြီးတချိန်လုံးစိတ်နဲ့ကိုယ်နဲ့မကပ်ဖြစ်နေတာပေါ့။ဒါကိုပျောက်ဖို့အတွက် ချိုးရှန်းက မိစ္ဆာနိမ်နှင်းတဲ့နာမည်ကြီး သခင်ကြီး (၈) နဲ့သူ့တပည့် ယွဲ့အာကို ခေါ်ခဲ့တယ်။ယွဲ့အာက ဒီလိုမိမရှိဖမရှိ အစ်မတစ်ယောက်တည်းနဲ့ကြိုးစားရုန်းကန်းနေတဲ့ ချိုးရှန်းလေးကိုသနားပြီးဒီပြဿနာကိုဖြေရှင်းဖို့ ကတိပေးခဲ့တာပေါ့။ဒါပေမဲ့လည်း တကယ့်လက်တွေ့မှာပြဿနာက တော်ရုံမရှင်းသွားပဲနောက်ကွယ်က မထင်မှတ်ထားတဲ့ အကြောင်းတွေနဲ့အများကြီးဆက်စပ်နေတာကို သိရှိလိုက်ရတဲ့အချိန်မှာဘယ်လိုဆရာတပည့်နှစ်ယောက်ဖော်ထုတ်ကြမလဲ။လောကကြီးမှာသရဲမိစ္ဆာ ဝင်ပူးတာ သရဲမိစ္ဆာတွေကလူ့အသက်တွေကိုနှုတ်ယူပစ်တယ်ဆိုတဲ့ အယူတွေကို ဘယ်လိုဖျောက်ဖျက်ပစ်ကြမလဲဆိုတာဒီဇာတ်လမ်းလေးထဲကနေစိတ်ဝင်စားစွာတင်ဆက်ပေးထားတာကြောင့် ကြည့်ရူလိုက်ရအောင် ~