Blind HD

Blind

Thriller HD 2011-08-10 7.3 111 Min

ဒီတစ်ခေါက်မှာတော့  ပရိသတ်ကြီးတို့အတွက် 2011ခုနှစ်မှာ ထွက်ရှိခဲ့ပြီး China နဲ့ Japan ကပါ remake ပြန်ရိုက်လောက်တဲ့အထိ အောင်မြင်ခဲ့တဲ့ မှုခင်းရုပ်ရှင်လေးတစ်ခုနဲ့ မိတ်ဆက်ပေးချင်ပါတယ်..ဒီကားလေးမှာတော့ ပရိသတ်ကြီးတို့နဲ့ ရင်းနှီးပြီးသား သရုပ်ဆောင်တွေဖြစ်တဲ့ Yoo Seung-ho, Kim Ha-neulနဲ့ Yang Yeong-Joတို့မှ အဓိက ပါဝင်သရုပ်ဆောင်ထားပါတယ်.. Supporting Roleအနေနဲ့ Park Bo Gumမှ ပါဝင်ထားပြီး Bo Gumရဲ့  Debut Movieလေးလည်းဖြစ်ပါတယ်. မင်ဆူအာ ( Kim Ha-neul )ဟာ ရဲတက္ကသိုလ်ကို အမြင့်ဆုံးအမှတ်နဲ့ ဝင်ခွင့်ရသူဖြစ်ပြီး ထူးချွန်ထက်မြက်တဲ့ရဲတစ်ဦးဖြစ်လာဖို့ကြိုးစားနေသူဖြစ်ပါတယ်… ။ကလပ်တစ်ခုမှာ အက ကဖို့သွားတဲ့ မောင်ဖြစ်သူ (Park Bo Gum)ကို သွားခေါ်ရင်းပြန်အလာမှာ ကားမတော်တဆမှုဖြစ်ပြီး မောင်ဖြစ်သူကိုရော သူမရဲ့ အမြင်အာရုံကိုရော ဆုံးရှုံးခဲ့ရပါတယ်…မျက်မမြင်အဖြစ်နဲ့ လမ်းပြခွေးလေးနဲ့အတူ နေထိုင်ရင်း တစ်နေ့မှာတော့ တက္ကစီတစ်စီးကို ငှားစီးရင်း ထိုတက္ကစီက လူတစ်ယောက်ကို တိုက်မိသွားခဲ့ပါတယ်…လူကိုတိုက်မိမှန်း ရဲတစ်ယောက်ရဲ့ခံစားချက်အရသိပေမဲ့ ကားဆရာကတော့ ခွေးကို တိုက်မိတယ်လို့သာတွင်တွင်ငြင်းဆန်ရင်း ဆူအာ့ကိုပါ အန္တရာယ်ပြုဖို့ကြိုးစားခဲ့ပါတော့တယ်…ဘေးအန္တရာယ်မှ သီသီလေးလွတ်လာခဲ့တဲ့ ဆူအာဟာနောက်တစ်နေ့မှာ ရဲစခန်းကိုတိုင်ကြားခဲ့ပေမဲ့ မျက်မမြင်ဖြစ်သူ ဆူအာ့ရဲ့ ထွက်ဆိုချက်ကို လက်မခံချင်ခဲ့ပါဘူး..နောက်တစ်နေ့မှာ ထိုအမှုရဲ့ မျက်မြင်သက်သေတစ်ဦး(Yoo Seung-ho) ထပ်မံထွက်ပေါ်လာခဲ့ပေမဲ့ မင်ဆူအာရဲ့ ထွက်ဆိုချက်နဲ့ မတူညီတဲ့အခါမှာတော့….အဲဒီမျက်မြင်သက်သေနဲ့ မင်ဆူအာ ဘယ်သူက အမှန်တရားကိုထွက်ဆိုတာဖြစ်မလဲ ..အဲဒီကားဆရာကိုရော ဖမ်းမိသွားနိုင်ပါ့မလားဆိုတာကို အတူတူ စိတ်လှုပ်ရှားစွာနဲ့ ခံစားကြည့်ရှုလိုက်ရအောင်နော် ..