Last County (2023) ဟာ Barret Mulholland ရိုက်ကူးတဲ့ စိတ်လှုပ်ရှားစရာ အက်ရှင်သည်းထိတ်ရင်ဖိုဇာတ်ကား ဖြစ်ပါတယ်။ဒီဇာတ်ကားဟာ တင်းမာမှု၊ အက်ရှင်နဲ့ ဟာသတွေကိုပေါင်းစပ်ထားပါတယ်။ ဇာတ်လမ်းကတော့ ဆေးစွဲသောက်နေရပြီး အိမ်ထောင်ရေးအဆင်မပြေတဲ့ အမျိုးသမီးတစ်ဦးဖြစ်တဲ့ Abby (Kaelen Ohm) ဟာ အနားယူဖို့အတွက် အိမ်တစ်လုံးမှာနေရင်း ဒဏ်ရာရနေတဲ့ မူးယစ်ဆေးလောကက လူတစ်ဦးနဲ့ ရုတ်တရက် မမျှော်လင့်ဘဲ မဟာမိတ်ဖြစ်သွားရာကနေ စတင်ပါတယ်။သူတို့နှစ်ဦးဟာ အကျင့်ပျက်ရဲတွေရဲ့ရက်စက်တဲ့တိုက်ခိုက်မှုကို အတူတူရင်ဆိုင်ရတဲ့အခါ ဇာတ်လမ်းက ပိုပြီး စိတ်ဝင်စားစရာကောင်းလာပါတယ်။ ဒီဇာတ်ကားမှာ Kaelen Ohm ရဲ့ ပီပင်တဲ့ သရုပ်ဆောင်မှုတွေကအဓိကဆွဲဆောင်မှု ဖြစ်နေပါတယ်။ သူမကို ဟောရာရုပ်ရှင်စီးရီး “From” ထဲမှာလည်း မြင်ဖူးကြမှာပါ။ ဒါ့အပြင် ကနေဒါရဲ့ ဝါရင့်သရုပ်ဆောင်တစ်ဦးဖြစ်တဲ့ Nicholas Campbell ကလည်းဟာသနဲ့ ကြောက်စရာကောင်းတဲ့ အကျင့်ပျက်ရဲအရာရှိနေရာကနေ အကောင်းဆုံး သရုပ်ဆောင်ထားပါတယ်။အက်ရှင်၊ ဒရာမာနဲ့ ဟာသ ပေါင်းစပ်ထားတဲ့ ရုပ်ရှင်မျိုးကို ကြည့်ချင်သူတွေအတွက် Last County ဟာ စိတ်ကျေနပ်မှုပေးနိုင်တဲ့ ဇာတ်ကားတစ်ကား ဖြစ်ပါတယ်။