ဒီကားလေးကတော့ comedy ဆန်ဆန် စုံထောက်လိုဇာတ်ကားလေးဖြစ်ပြီးတော့ တခွီးခွီးရယ်နေရမဲ့ ဟာသအပြည့်ပါတဲ့ဇာတ်ကားလေးဖြစ်ပါတယ်ဗျ။ဇာတ်ကြောင်းလေးကလည်းဆွဲဆောင်နိုင်လွန်းတာကြောင့် ကြည့်ဖို့ recommended ပေးချင်ပါတယ်။ဇာတ်ကားလေးရဲ့ အကြောင်းအရာကတော့ ဂျက်ခ်ဝေါရှ်လို့ခေါ်တဲ့ ဝရမ်းဖမ်းသမားစုံထောက်ကြီးဟာလူတစ်ယောက်ကိုဖမ်းဖို့အတွက် သူ့ရဲ့အလုပ်ရှင်အက်ဒီက ငွေကြေးစာချုပ်ချုပ်ပြီး သောကြာနေ့ညသန်းခေါင်မတိုင်မီ အရောက်ဖမ်းခေါ်လာခိုင်းပါတော့တယ်။ဂျက်ခ်ဟာသူဖမ်းရမဲ့လူကိုစုံစမ်းကြည့်လိုက်တော့ သူ့နာမည်ဟာ ဂျော်နသန်မာဒူးကတ်စ်ဆိုတာမှန်း သိခဲ့လိုက်ရတယ်။ဒါတင်မကဘူး ဒူးကတ်စ်ဟာ ချီကာဂိုမှာရှိတဲ့ဟီးရိုးအင်းမူးယစ်ဆေးရောင်းတဲ့ ဆာရန်နိုဆိုတဲ့လူဆိုးဂိုဏ်းခေါင်းဆောင်ဆီကနေ ပိုက်ဆံတွေခိုးယူထားပါသေးတယ်။ဂျက်ခ်ဟာ အဲ့ဒီ ဆာရန်နိုဆိုတဲ့သူနဲ့အတိတ်ကိစ္စတွေ ချိတ်ဆက်မှုရှိနေပြီး FBI ရဲတွေကလည်းဆာရန်နိုကိုဖမ်းဖို့ကြိုးစားနေပါတော့တယ်။ဒီလိုတစ်ဆင့်ပြီးတစ်ဆင့် အပြန်အလှန် လိုက်ဖမ်းဖို့လုပ်နေကြရင်း ဂျက်ခ်ဟာ ဒူးကတ်စ်ကို ပြဿနာတွေကြားကနေ အချိန်မီရောက်အောင် ဖမ်းခေါ်သွားနိုင်မလား ခရီးလမ်းမှာလည်းဘယ်လိုအခက်အခဲတွေရင်ဆိုင်ရမလဲ ဆိုတာကို comedy အပြည့်နဲ့ ကြည့်ရှုခံစားလို့ကောင်းမဲ့ ဇာတ်ကားလေးပဲဖြစ်တာကြောင့် ဘယ်လိုတွေဆက်ဖြစ်မလဲဆိုတာကို အားလုံးပဲကြည့်လိုက်ကြရအောင်…..