ယခုတစ်ခါမှာတော့ 3 Idiots ထဲက မင်းသား Sharman Joshi အပါအဝင် ဟာသမင်းသားများဖြစ်တဲ့Tusshar Kapoor, Kunal Kemmu နဲ့ Rajpal Naurang Yadav တို့ ပါဝင်သရုပ်ဆောင်ထားတဲ့ ဟာသကားလေးကို တင်ဆက်ပေးချင်ပါတယ်။မာရူ, ပါကီရာ, ဆမ်နဲ့ ဂိုတီတို့ဟာ အလုပ်မလုပ်ဘဲဆန်ကုန်မြေလေးလုပ်နေတဲ့ သူငယ်ချင်းလေးယောက်ပါ။သူတို့ဟာ ဘာအလုပ်မှ မလုပ်ဘဲ ချမ်းသာချင်တဲ့အတွက် ချမ်းသာတဲ့မိန်းကလေးတစ်ယောက်နဲ့ လက်ထပ်ချင်နေတဲ့သူတွေပါ။တစ်နေ့မှာတော့ သူတို့ထိုင်နေကြ လက်ဖက်ရည်ဆိုင်ကစားပွဲထိုးလေးဟာ ဝတ်ကောင်းစားလှတွေဝတ်ထားတာမြင်ပြီး မေးကြည့်တဲ့အခါမှာ ဘဏ်ကနေ ချေးငွေယူပြီးတော့ လုပ်ငန်းအသစ်စတင်လုပ်နေတာကို သိလိုက်ကြရပါတယ်။ဒီလိုနဲ့ သူငယ်ချင်းလေးယောက်သား ဘဏ်ကနေပိုက်ဆံချေးငွေယူပြီးတော့ လုပ်ငန်းအသစ်စတင်လုပ်ဆောင်ဖို့ ကြံပါတော့တယ်။သို့ပေမဲ့ ဘဏ်ကနေ ချေးငွေရနိုင်ဖို့ အပေါင်ပစ္စည်းက လိုအပ်ပါသေးတယ်။ဘဏ်ကနေ ချေးငွေရနိုင်ဖို့အတွက် အပေါင်ခံပစ္စည်းရနိုင်ဖို့ သူတို့ ဘာတွေ ဗရမ်းဗတာ လုပ်ကြမလဲ ……..သူတို့မြို့လေးကို ကောင်မချောချောလေးတစ်ယောက် ရောက်လာခဲ့တဲ့အချိန်မှာရော သူငယ်ချင်းလေးယောက်ပေါင်းပြီး ကောင်မလေးကို ဘယ်လိုလိုက်ကြမလဲ…….သူငယ်ချင်းလေးယောက်ရဲ့ ကံကြမ္မာ ဘာတွေဆက်ဖြစ်သွားမလဲ ….. ဆိုတာတွေကို ကြည့်ရှုရမဲ့ ဟာသကားကောင်းလေးဖြစ်ပါတယ်။