ယခု ပြန်လည်တင်ဆက်ပေးမဲ့ ဇာတ်ကားကတော့ သရုပ်ဆောင် Son Ye-jin, Kim Joo-hyuk,Kim So-hee, Shin Ji-hoon တို့ အဓိကပါဝင်သရုပ်ဆောင်ထားတဲ့ Thriller, Mystery ကားပဲဖြစ်ပါတယ်။လွှတ်တော်ကိုယ်စားလှယ်ဖြစ်ဖို့ အထွေထွေရွေးကောက်ပွဲမှာ ဝင်ပြိုင်တဲ့ ဂင်ဂျုံချန်း(Kim Joo-hyuk) နဲ့ငယ်စဥ်ကတည်းက သမ္မတကတော်ဖြစ်ဖို့ အိပ်မက်ရှိခဲ့တဲ့ ဂင်ယောင်းဟုံး (Son Ye-jin) တို့ရဲ့သမီးဖြစ်သူ ဂင်မင်ဂျင် (Shin Ji-hoon) ဟာ မဲဆွယ်ပွဲ ပထမဆုံးနေ့မှာပဲ ပျောက်ဆုံးသွားပါတော့တယ်။မင်ဂျင်က အရင်ကလည်း အိမ်ကထွက်ပြေးဖူးတာမို့ ဂျုံချန်းက သမီးဖြစ်သူကို လိုက်မရှာဘဲမဲဆွယ်ပွဲကိုပဲ အာရုံစိုက်နေခဲ့ပေမဲ့ ယောင်းဟုံးကတော့ ရဲစခန်းမှာတိုင်ချက်ဖွင့်ပြီး သမီးဖြစ်သူကို လိုက်ရှာရင်းမင်ဂျင်နဲ့ နောက်ဆုံးအတူရှိခဲ့တဲ့သူဟာ ချွဲမီအို့ (Kim So-hee) ဆိုတဲ့ သူငယ်ချင်းဖြစ်ကြောင်း သိသွားပါတော့တယ်။ဂင်ဂျုံချန်းကတော့ သူ့ပြိုင်ဘက်ကိုယ်စားလှယ်လောင်းရဲ့လုပ်ရပ်ဆိုပြီး စွပ်စွဲကာ ပြည်သူတွေရဲ့ ထောက်ခံနှုန်းတက်လာအောင် လုပ်နေတဲ့အချိန် ယောင်းဟုံးကလည်း ချွဲမီအို့က တရားခံဆိုတာကို သက်သေပြဖို့အကြောင်းစုံလိုက်စုံစမ်းပါတော့တယ်။ အာဏာအားပြိုင်မှုနဲ့ သူ့လူကိုယ့်လူ မသဲကွဲတဲ့ နိုင်ငံရေးလောကထဲဂင်ယောင်းဟုံးတစ်ယောက် သမီးဖြစ်သူကို ပြန်ရှာတွေ့နိုင်ပါ့မလား…တရားခံကရောဘယ်သူဖြစ်မလဲ… ဆိုတာကို ကြည့်ရှုလိုက်ရအောင်ပါ။