ဂျင်မီဆိုတဲ့ကောင်လေးက ငယ်စဥ်ကတည်းက မိဘတွေကိုဆုံးရှုံးလိုက်ရပြီး အဘိုးဖြစ်သူလက်ထပ်ကတည်းက”Cafe’404″ဆိုတဲ့ စားသောက်ဆိုင်လေးကို အမွေဆက်ခံကာ ဦးစီးလုပ်ကိုင်လျက်ရှိပါတယ်ဒါပေမဲ့ သူတို့စားသောက်ဆိုင်အနီးကအဝေးပြေးလမ်းမကြီးဟာ ဟောင်းနွမ်းပျက်စီးလာတာကြောင့် လူသူသိပ်မလာတော့ဘဲ သူ့ဆိုင်ဟာလည်းအရောင်းပါးလာပါတော့တယ်။ဒီလိုနဲ့အကြွေးတွေထူပြီး ဘဏ်ကိုပြန်မဆပ်နိုင်တာကြောင့် သူ့ရဲ့ဆိုင်လေးကို ထိုးအပ်ရမယ့်အနေအထားဖြစ်နေပါတယ်။တစ်ညမှာတော့ သူတို့ရဲ့ဆိုင်ထဲကို အဘိုးအိုကြီးတစ်ယောက်ဟာအိတ်တစ်လုံးကိုင်ကာဝင်လာပြီး ဆိုင်ထဲရောက်တဲ့အခါလဲကျသေဆုံးသွားပါတယ်။အဲ့အိတ်ကိုဖွင့်ကြည့်လိုက်တဲ့အခါမှာတော့ ပိုက်ဆံတွေဖြစ်နေတာကို တွေ့လိုက်ရပါတယ်။ငွေအရမ်းလိုနေပြီးသူ့အဘိုးလက်ထပ်ကဆိုင်လေးကိုကယ်တင်ချင်နေတဲ့ ဂျင်မီတစ်ယောက်လောဘတက်လာကာ အပိုင်သိမ်းဖို့ကြံပါတယ်။ပဟေဠိဆန်ဆန်ရောက်လာတဲ့ အိတ်နဲ့အတူ နောက်ဆက်တွဲအန္တရာယ်တွေပါပါလာတဲ့အခါ ဂျင်မီနဲ့သူ့ရဲ့ဝန်ထမ်းတွေဘယ်လိုဖြေရှင်းကြမလဲ။