1998မှာထွက်ရှိခဲ့တဲ့ Underrated Gem တစ်ပုဒ်နဲ့မိတ်ဆက်ပေးလိုက်ပါရစေ။တက္ကသိုလ်ကျောင်းသားလေး ဒဲရယ်ဟာ အလုပ်တစ်ဖက် ကျောင်းတစ်ဖက်နဲ့ရုန်းကန်လှုပ်ရှားနေရသူပါ။တစ်ဖက်မှာလည်းမိခင်နဲ့ညီငယ်ညီမငယ်လေးများကို ပြန်ကြည့်နေရသူတစ်ယောက်ပါ။ရုန်းကန်နေရသူ ဒဲရယ်တစ်ယောက် ပိုက်ဆံရဖို့အရေး ဒို့အရေးဆိုတဲ့ ရည်ရွယ်ချက်နဲ့ ပိုက်ဆံရရင်ပြီးရောဆိုပြီး ဘာအလုပ်မှမရွေးဘဲ အလုပ်ပေါင်းစုံကိုလုပ်ကိုင်ရာကနေတစ်နေ့မှာတော့ထူးဆန်းတဲ့အလုပ်တစ်ခုကိုရှာတွေ့မိသွားပါတော့တယ်။စီးပွားရေးမေဂျာယူထားတဲ့ ဒဲရယ်ဟာ စမိုက်ဘိတ်စ်ကုမ္ပဏီမှာလည်း အမြဲတမ်းဝန်ထမ်းဖြစ်ဖို့ကို စိတ်ကူးယဉ်နေရသူလည်းဖြစ်ပါတယ်အမြဲတမ်းဝန်ထမ်းဖြစ်မှသာ ဖခင်ဖြစ်သူက တာဝန်မယူချင်လို့စွန့်ပစ်သွားခဲ့တဲ့သူ့ရဲ့မိသားစုကို စောင့်ရှောက်နိုင်မှာမို့လို့ပါ။တစ်ဖက်လည်း အလုပ်ပေါင်းများစွာနဲ့တစ်ဖက် ကိုယ့်စရိတ်ကိုရှာသုံးရင်းဒဲရယ်ရဲ့မလျှော့သောဇွဲနဲ့အတူ တစ်ဖက်မှာလည်း စမိုက်ဘိတ်စ်မှာ အမြဲတမ်းဝန်ထမ်းဖြစ်ချင်တယ်ဆိုရင်အားကစားကလပ်တွေလူမှုရေးကလပ်တွေမှာ အသင်းဝင်ထားဖို့ကလည်း လိုအပ်တဲ့အတွက်ကြောင့်ဖတ်ဖတ်မောဖြစ်ရတဲ့ပုံတွေကို ဟာသနှောပြီးရိုက်ကူးထားတဲ့အတွက်ကြောင့်ဘဝအမောပြေချင်သူများအဖို့ကြည့်ကိုကြည့်သင့်တဲ့ရုပ်ရှင်တစ်ပုဒ်ဖြစ်ပါတယ်။