ဆာမူရိုင်း ဖူဂျင်နဲ့ သမီးဖြစ်သူ တိုနေတိုးဟာ အင်္ဂလန်ပြည်တလျှောက် လှည်ကလေးတစ်စီးနဲ့ ဂျပန်ရိုးရာဆာမူရိုင်း ရုပ်သေးပြဇာတ်ကို လှည့်လည်ဖျော်ဖြေရင်းအသက်မွေးဝမ်းကျောင်းပြုနေတဲ့သားအဖတွေဖြစ်ပါတယ်။တစ်နေ့မှာတော့ သူတို့ ရုပ်သေးပြဇာတ်ဖျော်ဖြေနေရင်း ရာဇဝတ်သားသုံးယောက်က လမ်းကြုံတဲ့အတွက် သူတို့ဓားပြတိုက်လာတဲ့ရွှေထုပ်ကိုခဏချပြီးပြဇာတ်ကို ဝင်ကြည့်နေခဲ့ပါတယ်။ပြဇာတ်မှာဈာန်ဝင်ပြီး မျောသွားတဲ့ဓားပြသုံးယောက်ဟာ သတိလည်းဝင်လာရော ရွှေထုပ်ကြီးက မရှိတော့ပါဘူး။အဲအချိန်မှာ တိုနေတိုးက ရွှေထုပ်ခိုးသွားတဲ့ကောင်လေးကို ဓားပြလက်ချက်နဲ့သေမှာစိုးလို့ ကူဖွက်ပေးခဲ့ပါတယ်။ဖြစ်ချင်တော့ အဲဓားပြသုံးယောက်က ကြမ်းပေ့ ရက်စက်ပေ့ဆိုတဲ့ ရှူးဂါမန်းနဲ့ လစ်တဲရှူးဂါးတို့သားအဖ ဦးဆောင်တဲ့ဓားပြအုပ်စုရဲ့ အဖွဲ့ဝင်တွေ ဖြစ်လို့နေပါတယ်။ဓားခုတ်ရာလက်ဝင်ရှိုမိတဲ့ တိုနေးတိုးကြောင့် သူမရဲ့အဖေဟာ ဓားပြအုပ်စုရဲ့လက်ချက်နဲ့ သေရတဲ့အတွက် သူမဟာအဲဓားပြအုပ်စုကိုဘယ်လိုလက်စားလိုက်ချေမလဲဆိုတာကို စိတ်ဝင်စားဖွယ် ကြည့်ရှုရမှာဖြစ်ပါတယ်။