I Don't Understand You FHD

I Don't Understand You

Comedy Horror FHD 2025-06-06 6.8 96 Min

ဇာတ်ကားနာမည်အတိုင်း “ငါ မင်းပြောတာကို နားမလည်ဘူး”ဆိုတဲ့ နောက်ကွယ်မှာ ဘယ်လိုပြဿနာတွေဖြစ်တတ်လဲဆိုတာကိုDavid Joseph Craig နဲ့ Brian Crano တို့က အကောင်းဆုံးပုံဖော်ပြသွားတဲ့ဇာတ်ကားတစ်ကားပါပဲ။သရုပ်ဆောင်တွေကလည်း လက်ရှိ “Big Mouth” animation မှာ အသံသရုပ်ဆောင်လုပ်နေတဲ့ Nick Kroll နဲ့ Tony Awardဆန်ခါတင်စာရင်းဝင်ခဲ့တဲ့ သရုပ်ဆောင် Andrew Rannells တို့ရဲ့သရုပ်ဆောင်ပိုင်းတွေက ဇာတ်ကားကို အဆုံးထိ ဆွဲခေါ်သွားနိုင်စေတယ်။ဒါ့အပြင် ဝေဖန်သူတွေဆီကပါ ချီးကျူးမှုတွေ ရရှိထားသလို အညွှန်းရေးသူ ကျွန်တော်လည်း ဒီကားကို ကြည့်ပြီး“မတော်တဆဆိုတာ ဖြစ်တတ်တာပဲ”ဆိုတဲ့ စကားကို တွေးမိသွားစေပါတယ်။ပြောရရင် နိုင်ငံရပ်ခြားသွားတဲ့အခါ သူတို့နိုင်ငံရဲ့စကားကို နားမလည်တဲ့အခါ အလွဲအချော်လေးတွေက ဖြစ်ကျစမြဲပါပဲ။ဇာတ်လမ်းအကျဥ်းကိုပြောရရင်ကလေးမွေးစားဖို့ စီစဉ်နေတဲ့ အမေရိကန်စုံတွဲ ဒွန်းနဲ့ကိုးလ်တို့ဟာ အီတလီကျေးလက်ရဲ့ လှပတဲ့ရှုခင်းတွေကြားမှာအားလပ်ရက်ခရီးထွက်လာကြပါတယ်။ ဖြစ်ချင်တော့ အစီအစဥ်က ထင်သလိုဖြစ်မလာဘဲဒွန်းအဖေရဲ့သူငယ်ချင်းက သူတို့အတွက် အစီအစဥ်တစ်ခုဆွဲပေးလိုက်တယ်။အဲဒီအစီအစဥ်ထဲမှာ နာမည်ကြီးပီဇာလုပ်တဲ့အဘွားကြီးဆီမှာ ညစာသွားစားဖို့ဖြစ်လာတယ်။ သူတို့နှစ်ယောက်ဟာဘာသာစကားအခက်အခဲတွေနဲ့ညစာစားဖို့ထွက်လာပြီးတဲ့နောက် ဘယ်လိုအလွဲအချော်တွေနဲ့ကြုံတွေ့ရမလဲဆိုတာ စိတ်ဝင်စားဖွယ် အဆုံးအထိကြည့်ရှုရမှာပါ။