လျှို့ဝှက်ဆန်းကြယ် သဘာ၀လွန်ဖြစ်ရပ်တွေကို စိတ်၀င်စားတဲ့ပရိသတ်ကြီးအတွက် ဖြစ်ရပ်မှန်ကို အခြေခံထားတဲ့ အင်ဒိုနီးရှား horror ဇာတ်လမ်းတစ်ပုဒ်နဲ့ မိတ်ဆက်ပေးချင်ပါတယ်။မာယာနဲ့ဒွန်ဟာကျောင်းအတူတူတက်ခဲ့ကြတဲ့ သူငယ်ချင်းမကရည်းစားမကျ သူငယ်ချင်းတွေပါ။ဘွဲ့ရတဲ့နေ့မှာ ဒွန်က သုံးနှစ်ကြာရင် မာယာ့ကို မိဘတွေဆီကလာတောင်းရမ်းမယ်လို့ ကတိပေးခဲ့ပါတယ်။ မာယာကတော့အိမ်ထောင်စောစောပြုချင်သူဖြစ်ပြီး ဒွန့်စကားကို သိပ်အလေးအနက်မထားခဲ့ပါဘူး။တစ်နှစ်လောက်နေတော့ မာယာဟာ အန်ဒီနဲ့တွေ့ပြီး မိဘကလည်းကြည်ဖြူတာကြောင့် လက်ထပ်လိုက်ပါတယ်။ဒွန်တစ်ယောက်အသည်းကွဲသွားတာကလွဲလို့ အဲဒီအထိ အားလုံးအဆင်ချောခဲ့ပါတယ်။လက်ထပ်ပြီးတဲ့အခါ အန်ဒီ့အိမ်ကို မာယာလိုက်သွားတော့မှ တကယ့်ဇာတ်လမ်းစတော့တာပါ။အဲဒီလိုနဲ့ လက်ထပ်ပြီးစအိမ်ထောင်ဦးမှာ မာယာတစ်ယောက် အပျော်တွေအစား ဘာတွေကြုံရမလဲသူတို့နေမဲ့အိမ်ကြီးက ဘယ်လိုလျှို့ဝှက်ဆန်းကြယ်မှုတွေနဲ့စောင့်ကြိုနေမလဲ၊နောက်ဆုံးမှာ ဇာတ်သိမ်းလှပါ့မလားဆိုတာ သည်းထိတ်ရင်ဖိုကြည့်ရှုကြရမှာ ဖြစ်ပါတယ်။