ယခုရုပ်ရှင်ကို The Godfather trilogy နဲ့ Apocalypse Now ရုပ်ရှင်တို့နဲ့ အရမ်း နာမည်ကြီးအောင်မြင်ခဲ့တဲ့ ဒါရိုက်တာ Francis Ford Coppola ရဲ့သား Roman Coppola က ရိုက်ကူးထားတာဖြစ်ပါတယ်ရုပ်ရှင်အမျိုးအစားကတော့ Comedy/Drama ဖြစ်ပြီး နာမည်ကြီး ဟာသ သရုပ်ဆောင်တွေဖြစ်ကြတဲ့ Charlie Sheen နဲ့ Bill Murray တို့က အဓိက နေရာကနေ ပါဝင်ထားကြပါတယ်။ ဇာတ်လမ်းသဘောကတော့ graphic designer ဖြစ်တဲ့ Charles Swan III ဟာ စိတ်ကူး အရမ်းယဉ်တတ်ပါတယ်။ဒီလိုမျိုးတွေကြောင့် ရည်းစားဖြစ်သူ Ivana နဲ့ ပြတ်သွားခဲ့ပါတယ်။ အဲ့အချိန်မှာပဲ Charles ဟာ Ivana ကိုချစ်တာလိုလို မုန်းတာလိုလို ဖြစ်သွားခဲ့ပြီး အိပ်မက်ဆိုးတွေပါ မက်လာခဲ့ပါတယ်။ ဒါတွေကြောင့် အလုပ်မှာလည်း အဆင်မပြေဖြစ်လာခဲ့ပြီး သူ့ဘဝတစ်ခုလုံးဟာလည်း အဓိပ္ပာယ်မဲ့လာခဲ့ပါတယ်။ဒါတွေကိုကုစားဖို့အတွက် Charles တစ်ယောက် သူ့သူငယ်ချင်း၊ မိတ်ဆွေ၊ အပေါင်းအပါတွေနဲ့ ဘယ်လို လုပ်မလဲ ဆိုတာကိုတော့ ရုပ်ရှင်ထဲမှာပဲ ကြည့်ကြပါကုန်။