ယဉ်ကျေးမှုထွန်းကားပြီး ဆန်းကြယ်လှပတဲ့အိန္ဒိယပြည်မှာနေလာခဲ့တဲ့ ကပ္ပတိန်ခရူးတို့သားအဖဟာ ပထမကမ္ဘာစစ်ဖြစ်ချိန်မှာ အဖေဖြစ်သူ ကပ္ပတိန်ခရူးက စစ်ထွက်ရမှာမို့ သမီးဆာရာခရူးကိုနယူးယောက်က စည်းကမ်းတင်းကြပ်တဲ့ဘော်ဒါကျောင်းတစ်ခုမှာ ထားခဲ့တယ်။ အမြဲတမ်း စိတ်ကူးယဉ်မှုတွေနဲ့ပြည့်နှက်နေတဲ့ ဆာရာခရူးဟာ လက်တွေ့ဆန်ကာ တင်းကြပ်လွန်းတဲ့ ကျောင်းစည်းကမ်းတွေနဲ့အံ၀င်ခွင်ကျမဖြစ်ပေမဲ့ စွန့်စားခန်းတွေ စိတ်ကူးယဉ်ဆန်မှုတွေနဲ့ ပြည့်နေတဲ့ သူ့ရဲ့ပုံပြင်တွေကို ပြောပြတတ်တာကြောင့် လူချစ်လူခင်ပေါများလာခဲ့ပြီး မင်းသမီးလေးဖြစ်လာခဲ့တယ်။ဒါပေမဲ့ အဖေဖြစ်သူတိုက်ပွဲမှာကျဆုံးသွားချိန်မှာ ဆာရာလေးရဲ့ဘ၀ဟာ ဂျွန်းထိုးမှောက်ခုံဖြစ်သွားရပြီး မင်းသမီးလေးဘ၀ကနေ အစေခံမလေးဘ၀ကို ချက်ချင်းရောက်ရှိသွားခဲ့တယ်။နာမည်ကြီးစာအုပ်ကို ခေတ်အဆက်ဆက် ပြန်လည်အသက်သွင်းလာခဲ့တဲ့ ဇာတ်ကားဖြစ်ပြီး ကလေးတွေ ကြည့်သင့်ကြည့်ထိုက်တဲ့ဇာတ်ကားမျိုးဖြစ်တဲ့အပြင် လူကြီးတွေကိုပါ စီးမျောသွားအောင်ဆွဲဆောင်နိုင်တာမို့လို့ ကြည့်ရှုခံစားဖို့တိုက်တွန်းလိုက်ပါတယ်။