Mississippi Burning ဆိုတဲ့ကားလေးကတော့ ဖြစ်ရပ်မှန်အပေါ်မှာ အခြေခံပြီး ရိုက်ကူးထားတဲ့ 1988 ခုနှစ်မှာ ထွက်ခဲ့တဲ့ ဇာတ်ကားကောင်းတစ်ခုပဲဖြစ်ပါတယ်။ ဆရာကြီး Williem Dafoe ရဲ့ ဇာတ်ကားလည်းဖြစ်ပါတယ်။ အမေရိကန်မှာ လူဖြူ လူမဲ ခွဲခြားမှု ပြင်းထန်နေသေးတဲ့ ကာလမှာ ဇာတ်လမ်းတည်ထားပြီး အဓိက ဇာတ်လိုက် နေရာမှာ FBI ရဲနှစ်ယောက်ကိုတွေ့ရမှာပါ။ပြည်သူ့ရေးရာ ဝန်ထမ်းသုံးယောက် မစ္စစ္စပီမှာ လူမဲတွေ မဲပေးခွင့်ရရှိရေး လာရောက် လုပ်ဆောင်ချိန်မှာ အသတ်ခံလိုက်ရတာနဲ့ ဇာတ်လမ်းစထားပါတယ်။ ဒီအမှုကိုလိုက်ဖို့ FBI နှစ်ယောက် မြို့ကိုရောက်လာချိန်မှာတော့ မြို့နေလူထုက သူတို့ကို အမှုလိုက်ဖို့ မကူညီပေးကြပါဘူး။ ဒီလိုနဲ့ပဲ သူတို့နှစ်ယောက်သား လုပ်ရိုးလုပ်စဉ်အတိုင်းမဟုတ်ပဲ ဉာဏ်ကိုလွှာသုံးပြီး အမှုလိုက်ရပုံကိုကြည့်ရှူရမှာပါ။ ဒါ့အပြင် လူမျိုးရေးခွဲခြားမှုရဲ့ အကျည်းတန်မှု ရက်စက်မှုတွေကိုလည်း ချပြထားပါသေးတယ်။ ဇာတ်ကားကောင်းလေး ဖြစ်တာမလို့ ကြည့်ရှူခံစားကြည့်ဖို့ တိုက်တွန်းလိုက်ပါတယ်။