လပ်ကီးလို့ ခေါ်တဲ့ခွေးလေးရဲ့ ပိုင်ရှင်ဖြစ်သူကတော့ ဗိသုကာပညာရှင်တစ်ယောက်ဖြစ်တဲ့ထရာဗစ်ဖြစ်ပြီး ထရာဗစ်မှာ သူ့အရင်အိမ်ထောင်နဲ့ရခဲ့တဲ့ ကလေးနှစ်ယောက် ရှိပါတယ်။တစ်ရက် ကလေးနှစ်ယောက်နဲ့အတူ အလုပ်ခရီးတစ်ခု ထွက်ဖို့ရှိလာတဲ့အခါမှာတော့လပ်ကီးလေးကို ခွေးဂေဟာမှာ သွားပို့ဖို့ ဖြစ်လာတော့တာပေါ့။ဖြစ်ချင်တော့ အဲဒီဂေဟာမှာပဲ ခွေးရော သခင်ရောက သူတို့ရဲ့အချစ်နဲ့ စပြီးတွေ့ခဲ့ပါတော့တယ်။လပ်ကီးက အေမီလို့ခေါ်တဲ့ ခွေးမလေးကိုသဘောကျသွားပြီး ထရာဗစ်တစ်ယောက်ကတော့အေမီရဲ့ပိုင်ရှင်ဖြစ်သူကိုမှ ချစ်မိသွားပါသတဲ့။လပ်ကီးနဲ့အေမီလို့ခေါ်တဲ့ ခွေးလေးနှစ်ကောင်ကြားက အချစ်ရေးက ဘယ်လိုဆက်ဖြစ်မလဲသူတို့ပိုင်ရှင်နှစ်ယောက်ရဲ့ အချစ်ရေးကရော ဘယ်လိုအဆုံးသတ်မလဲဆိုတာအပြင်ထရာဗစ်တို့ သားအဖတွေကြားက နွေးထွေးတဲ့မေတ္တာကိုပါ ကြည့်ရှူခံစားရမယ့်ဇာတ်ကားကောင်းလေးဖြစ်တာမို့ အချိန်ပေးရကျိုးနပ်မှာပါ။ထရာဗစ်တို့ရဲ့ ခရီးတစ်လျှောက်မြင်တွေ့ရတဲ့ ပင်လယ်အနီးအနားကမြင်ကွင်းတွေကိုလိုက်ပါခံစားနိုင်မယ့်အပြင် ခွေးချစ်သူတို့အတွက်လည်း အပန်းပြေစိတ်ကြည်နူးစေနိုင်မယ့်ဇာတ်ကားလေးဖြစ်တာမို့ တင်ဆက်ပေးလိုက်ရပါတယ် ။