နည်းနည်းထူးခြားတဲ့ ဖိလစ်ပိုင်ဟော်ရာကားလို့ပြောရမယ်။ပုံမှန်မြင်နေကျ တစ္ဆေတွေ လူသတ်သမားတွေမဟုတ်တဲ့ အရာတစ်ခုကိုသုံးပြီး စိတ်ညစ်စရာကောင်းအောင် ရိုက်ပြထားတယ်။ဇာတ်ကတော့ ရေဘတ်ကာဆိုတဲ့အမျိုးသမီးက သူ့ယောက်ျားဟောင်းနဲ့ ကလေးအုပ်ထိန်းခွင့်အတွက် တရားတဘောင်ရင်ဆိုင်ဖို့ ပြင်တာကနေ စတာပေါ့။နှစ်ယောက်စလုံးက လိုအပ်ချက်တွေရှိနေတော့ တရားခွင်မဝင်ခင် ဒီအမှုကိုဖြတ်ပစ်ဖို့ ဘယ်လိုမှညှိမရနေခဲ့ဘူး။ဒီလိုနဲ့ ကလေးက ပိတ်ရက်တွေအဖေဆီ ကြားရက်တွေအမေဆီ တစ်လှည့်စီနေခဲ့ရတယ်။တစ်နေ့ ကလေးက သူ့အဖေဆီရောက်သွားတယ်လို့ သူထင်ပေမဲ့ သူ့အမေက အိမ်မှာ သူ့သမီးရှိနေသေးတော့ အံ့ဩသွားခဲ့တယ်။ရှာဖတ်ကြည့်တော့ လူတစ်ယောက်သေခါနီးရင် သူ့နေရာကို အဲဒီလူနဲ့တစ်ပုံစံတည်းတူတဲ့ လူတူက အစားဝင်လာပြီး ခဏနေရာယူတတ်တယ်တဲ့။ဒီလိုနဲ့ ရေဘတ်ကာက သူ့သမီးနဲ့လူတူ ဘယ်ဟာကအတု ဘယ်ဟာကအစစ် မသိနိုင်တော့ဘဲ ဘာတွေဆက်ဖြစ်မလဲ ကြည့်ကြရမယ့် Horrorကားပါပဲ။