နာမည်ကြီး film director ကြီး Sir Alfred Hitchcock ရဲ့ လက်ရာကောင်းတွေထဲ တစ်ခုဖြစ်တဲ့ 1954ခုနှစ်ထွက် crime/thriller ရုပ်ရှင်ကားကောင်း တစ်ကားနဲ့ မိတ်ဆက်ပေးပါရစေ။ မင်းသမီး Grace Kelly ပါဝင်ပြီး Ray Milland, John Williams, Robert Cummings တို့လည်း ပါဝင်ထားပါတယ်။ဇာတ်လမ်း အကျဥ်းကတော့ Tony Wendice တစ်ယောက် သူ့မိန်းမ Margot Wendiceက အမေရိကန် စာရေးဆရာ တစ်ယောက်နဲ့ ဖောက်ပြန်နေတာကို သိသွားပြီး မိန်းမကို သတ်ဖို့အတွက် ကောလိပ်အတူတက်ခဲ့တဲ့ မိတ်ဆွေဟောင်းတစ်ယောက်ကို ဆက်သွယ်ပြီး ခြိမ်းခြောက်ခဲ့ပါတယ်။ဒါပေမဲ့ သူ အကွက်ချ စီစဥ်ထားသလို ဖြစ်မလာခဲ့ပါဘူး။ Tony Wendice နဲ့ သူ့မိန်းမ Margot ဟာ သူတို့ နှစ်ယောက်ထဲက တစ်ယောက်ယောက်က မတော်တဆမှုကြောင့် ဆုံးပါးသွားခဲ့ရင် တစ်ယောက်ကို တစ်ယောက် လက်ကျန်စည်းစိမ်တွေ ချန်ခဲ့ပေးဖို့ သေတမ်းစာရေးထားခဲ့ပါတယ်။ Tony က ဒီငွေတွေကို မက်လို့လည်း သူ့မိန်းမကို သတ်ပြီး ငွေယူဖို့ တစ်ချက်ခုတ် နှစ်ချက်ပြတ် ကြံရွယ်ခဲ့တာပါ။ Thriller ကောင်းကောင်းကြိုက်မယ့်သူတွေ အကြိုက်တွေ့လောက်မယ့် ခေတ်ဟောင်းကားကောင်း တသ်ခုဖြစ်ပါတယ်။